لە خالیدی كوڕی وەلیدەوە(رضي الله عنه) دەفەرموێت: من بەشەوان دەترسام و ڕادەچڵەكیم, هاتمە خزمەت پێغەمبەری خواو ووتم: من لە شەودا ڕادەچڵەكێم و شمشێرەكەم هەڵدەگرم و هەرشتێك لە بەردەممدا بێت بە شمشێرەكەم لێی دەدەم, پێغەمبەری خوا(صلى الله عليه وسلم) فەرموی: ئایا ئەو نزایەت فێر بكەم كە روحی ئەمین (جبریل) (علیه السلام) فێری كردووم؟ بڵێ:
(( أَعُوذُ بِكَلِمَاتِ اللَّهِ التَّامَّاتِ الَّتِي لا يُجَاوِزُهُنَّ بَرٌّ وَلا فَاجِرٌ, مِنْ شَرِّ مَا يَنْزِلُ مِنَ السَّمَاءِ وَمَا يَعْرُجُ فِيهَا، وَمِنْ شَرِّ فِتَنِ اللَّيْلِ وَالنَّهَارِ، وَمِنْ كُلِّ طارِقٍ,ِ إِلا طَارِقٌ يَطْرُقُ بِخَيْرٍ يَا رَحْمَانُ)).
أخرجه الطبراني في (الأوسط) (2/31/5547) وصححَّه الألباني في سلسلة الأحاديث الصحيحة (2738).
واتە: پەنا ئەگرم بە ووتە تەواوە (بێ نوقسانییە بە سوودو شیفادەر)ەكانی خوای گەورە كە بە تەقواو خراپەكار ناتوانن بیبەزێنن (واتە زانستی كەس ئەو سنوورە نابەزێنێت و زیاتر نازانێت كە بۆی دیاری كراوە) لە خراپەی ئەوەی لە ئاسمانەوە دادەبەزێ (لە سزا وەك هەورە بروسكەو باران)و خراپەی ئەوەی سەردەكەوێ بۆی (لە كردەوەی خراپ و شایستەی سزا), وە لە خراپەو ئەو تاقیكردنەوانەی لە شەوو ڕۆژدا ڕوو دەدات, وە لە خراپەی ئەو ڕووداوانەی لە شەودا ڕوودەدەن, مەگەر ڕوداوێك كە بەخێر ڕووبدات ئەی خوای بەبەزەیی.
