خوای گەورە دەفەرموێت: (نَبِّئْ عِبَادِي أَنِّي أَنَا الْغَفُورُ الرَّحِيمُ , وَأَنَّ عَذَابِي هُوَ الْعَذَابُ الْأَلِيمُ). الحجر (49-50)واتە: ئەی پێغەمبەری خوا(صلی الله علیه وسلم) هەواڵ بدە بە بەندەكانم (بە هەواڵێكی گرنگی زۆر دڵنییایی) كە من لێبوردەو گوناهپۆشی بە ڕەحم و میهرەبانم, وە سزاشم سزایەكی تەواو بە ئازارو ژانە.
كەواتە مرۆڤی موسڵمان پێویستە هەردەم لە نێوان ئومێد و ترسدا بژی, ئومێدی هەبێت بە لێبوردنی خوای گەورە, پاشان بە تەوحیدەوە كردەوەی ئەهلی بەهەشت بكات و چەند دەتوانێت گورجوگۆڵ بێت لە ئەنجامدانی تاعەتتدا, لە هەمان كاتدا بترسێت لە سزاو توڕەیی خوای گەورەو خۆی بپارێزێت لەهەر تاوان و سەرپێچی و كردەوەیەك خوای گەورەی لێ توڕە بكات.
عن أبي هريرة (رضي الله عنه) أن رسول الله (صلى الله عليه وسلم) قال: ((لما خلق الله الجنة والنار، أرسل جبرائيل إلى الجنة، فقال: اذهب فانظر إليها وإلى ما أعددت لأهلها فيها، فذهب فنظر إليها وإلى ما أعد الله لأهلها فيها، فرجع فقال: وعزتك، لا يسمع بها أحد إلا دخلها، فأمر بالجنة، فحفت بالمكاره، فقال: ارجع فانظر إليها وإلى ما أعددت لأهلها فيها. قال: فنظر إليها، ثم رجع فقال: وعزتك، لقد خشيت أن لا يدخلها أحد. قال: ثم أرسله إلى النار، قال: اذهب فانظر إليها وإلى ما أعددت لأهلها فيها، قال: فنظر إليها، فإذا هي يركب بعضها بعضاً، ثم رجع فقال: وعزتك، لا يدخلها أحد سمع بها، فأمر بها فحفت بالشهوات، ثم قال: اذهب فانظر إلى ما أعددت لأهلها فيها، فذهب فنظر إليها، فرجع فقال: وعزتك، لقد خشيت أن لا ينجو منها أحد إلا دخلها)). رواه مسلم مختصرا (2822)، وأبو داود (4744)، والترمذي (2560)، والنسائي (7/3)، وأحمد (2/332) (8379)، والحاكم (1/79). وقال الترمذي: هذا حديث حسن صحيح، وقال الحاكم: هذا حديث صحيح على شرط مسلم ولم يخرجاه. ووافقه الذهبي. وحسَن إسناده الشيخ شعيب الأرنؤوط, وقال الألباني في ((صحيح سنن أبي داود)): حسن صحيح.
واتە: كاتێ خوای گەورە بەهەشت و دۆزەخی دروست كرد جیبریل(علیه السلام)ی نارد بۆ بەهەشت و پێی فەرموو: بڕۆ تەماشای بەهەشت و ئەو نازو نیعمەتانە بكە كە بۆ ئەهلی بەهەشتم ئامادە كردووە,
ئەویش چوو تەماشای جوانی و نازو نیعمەتەكانی ناو بەهەشتی كردو گەڕایەوەو فەرمووی: سوێند بە شكۆمەندی تۆ خوایە, هیچ كەسێك نییە كە هەواڵی ئەم بەهەشتە ببیستێت ئیلا دەچێتە ناوی (واتە هەوڵ دەدات بچێتە ناوی لەبەر جوانی و خۆشی بەهەشت).
خوای گەورە فەرمانی كرد بەهەشت بە ناڕەحەتی (واجبات و تەكلیفە شەرعییەكان كە لەسەر نەفس ناڕەحەت و قورسە) دەورە بدرێت,
ئینجا بە جیبریل(علیه السلام)ی فەرموو: بگەڕێرەوە تەماشای بەهەشت و ئەو نیعمەتانە بكە كە بۆ ئەهلی بەهەشتم ئامادە كردووە.
دەفەرموێت: جیبریل چوو تەماشای كردو پاشان گەڕایەوەو فەرمووی: سوێند بە شكۆمەندیت ترسام كەس نەچێتە ناوی.
دەفەرموێت: پاشان ناردی بۆ دۆزەخ و فەرمووی: بچۆ تەماشای دۆزەخ و ئەو سزایانە بكە كە بۆ ئەهلی دۆزەخم ئامادە كردووە.
دەفەرموێت: جیبریلیش(علیه السلام) چوو تەماشای كرد, بینی ئاگرو بەسەر یەكدا دێت و دەچێت.
پاشان گەڕایەوەو فەرموی: سوێند بە شكۆمەندیت, هەر كەسێك هەواڵی ئەو دۆزەخە ببیستێت ناچێتە ناوی(واتە لێی دەترسێت و لێی هەڵدێت).
پاشان خوای گەورە فەرمانی كرد كە بە ئارەزوو دەوری دۆزەخ بدرێت.
پاشان بە جیبریل(علیه السلام)ی فەرموو: بچۆ تەماشای ئەو سزایانە بكە كە بۆ ئەهلی دۆزەخم ئامادە كردووە.
ئەویش چوو تەماشای كرد و گەڕایەوەو فەرمووی: سوێند بە شكۆمەندیت خوایە, ترسام هیچ كەسێك لەو دۆزەخە ڕزگاری نەبێت و هەمووی بچنە ناوی(چونكە نەفس حەزی بە ئارەزووەكانەو لەبەرامبەر ئەنجامدانی تاعەتدا تەمبەڵە).
