ئەم پەیامە كە تایبەتە بە (سەرفیترەو جەژن و حوكمەكانیان) لە نێوان چەند كتێبێكدا كۆمكردۆتەوە هەتا خوای گەورە بیكاتە مایەی سوود بۆ هەر كەسێك كە بیەوێت لە بەندەكانی,وە خستوومەتە نێوەندی ئاوها نامیلكەیەكی بچوكەوەو هەوڵم داوە كورت و پوخت بێت تا موسڵمانان سوودی لێ وەربگرن و سووربن لەسەر گوێڕایەڵی خوای گەورەو شوێنكەوتنی ئەوەی كە لە پێغەمبەرەوە(صلی الله علیه وسلم) هاتووە. چونكە هەموو خێرو چاكەیەك لە شوێنكەوتنی قورئان و سوننەتدایە بە پێ‌ی تێگەیشتنی پێشینی ئەم ئوممەتە رەحمەتی خوایان لێ بێت.
